កងពលតូចដឹកជញ្ជូនលេខ៩៩...មិនត្រឹមតែបំពេញភារកិច្ចប្រចាំការនៅសមរភូមិមុខប៉ុណ្ណោះទេ
ប៉ុន្តែក៏ត្រៀមខ្លួនជានិច្ចដើម្បីជួយសង្គ្រោះប្រជាពលរដ្ឋនៅពេលមានគ្រោះមហន្តរាយ។
ដោយអនុវត្តយ៉ាងម៉ឺងម៉ាត់នូវបទបញ្ជាដ៏ខ្ពង់ខ្ពស់របស់ក្រសួងការពារជាតិ
ឧត្តមសេនីយ៍ទោ ហ៊ុល សំអុន មេបញ្ជាការ កងពលតូចដឹកជញ្ជូនលេខ៩៩
បានដឹកនាំត្រួតពិនិត្យការត្រៀមរួចជាស្រេចលើមធ្យោបាយដឹកជញ្ជូន គ្រឿងបំពាក់បច្ចេកទេស
សម្ភារៈសង្គ្រោះ និងកម្លាំងអន្តរាគមន៍ ដើម្បីធានាថា
អង្គភាពអាចឆ្លើយតបបានទាន់ពេលវេលា ក្នុងករណីកើតមានគ្រោះមហន្តរាយធម្មជាតិ
ឬស្ថានភាពអាសន្នផ្សេងៗ។
ទោះបីកងពលតូចដឹកជញ្ជូនលេខ៩៩
កំពុងបំពេញភារកិច្ចដឹកជញ្ជូន និងគាំទ្រកងកម្លាំងប្រចាំការនៅសមរភូមិមុខក៏ដោយ
ក៏អង្គភាពនៅតែមិនបំភ្លេចភារកិច្ចដ៏សំខាន់ក្នុងការត្រៀមជួយសង្គ្រោះ
និងការពារអាយុជីវិត ទ្រព្យសម្បត្តិ និងសុវត្ថិភាពរបស់ប្រជាពលរដ្ឋ
នៅពេលមានគ្រោះមហន្តរាយកើតឡើងជាយថាហេតុ។
ក្នុងឱកាសនោះ ឧត្តមសេនីយ៍ទោ ហ៊ុល សំអុន
បានគូសបញ្ជាក់ថា «ភារកិច្ចរបស់កងទ័ព មិនមែនមានតែការការពារបូរណភាពទឹកដីនៅសមរភូមិមុខប៉ុណ្ណោះទេ
ប៉ុន្តែការការពារអាយុជីវិត សុវត្ថិភាព
និងសេចក្តីសុខរបស់ប្រជាពលរដ្ឋនៅគ្រប់កាលៈទេសៈ
ក៏ជាកាតព្វកិច្ចដ៏សំខាន់របស់កងទ័ពផងដែរ»។
ជាមួយនឹងស្មារតីទទួលខុសត្រូវខ្ពស់
កងពលតូចដឹកជញ្ជូនលេខ៩៩ តែងតែត្រៀមខ្លួនជាស្រេចទាំងកម្លាំង មធ្យោបាយ និងសម្ភារៈ
ដើម្បីបំពេញភារកិច្ចគ្រប់ស្ថានការណ៍ ដោយឈរលើស្មារតី «នៅពេលជាតិ និងប្រជាជនត្រូវការ កងទ័ពត្រូវតែមានវត្តមានជានិច្ច»
