ត្រលប់ទៅឆ្នាំ 2019 រដ្ឋាភិបាលសហរដ្ឋអាមេរិកបានសម្រេចចិត្តងាកទៅរកវិធានការដ៏ខ្លាំងក្លាប្រឆាំងនឹងប្រទេសចិន…
ពួកគេបានដាក់ចូលក្នុងបញ្ជីខ្មៅក្រុមហ៊ុន
Huawei 华为ដែលជាក្រុមហ៊ុនបច្ចេកវិទ្យាធំជាងគេរបស់ប្រទេសចិន
គោលដៅពេលនោះគឺច្បាស់លាស់ណាស់ដើម្បីច្របាច់កក្រុមហ៊ុនយក្សនេះ មិនអោយដកដង្ហើមនិងបង្ខំឱ្យចុះចាញ់។
ប៉ុន្តែពេលវេលាបានបង្ហាញថាអាមេរិកមើលស្រាលចំពោះភាពរឹងរូសរបស់ចិនជ្រុលពេកហើយ
ក្រុមហ៊ុន Huawei មិនត្រឹមតែនៅរស់រានមានជីវិតប៉ុណ្ណោះទេ ថែមទាំងបានងើបឡើងវិញជាមួយនឹងកម្លាំងដ៏ខ្លាំងក្លាថែមទៀត
ពួកគេបានបង្កើតប្រព័ន្ធដំណើរការផ្ទាល់ខ្លួន បានបង្កើតប្រព័ន្ធប្រតិបត្តិការថ្មី និងបង្កើតប្រព័ន្ធអេកូឡូស៊ី
AI ផ្ទាល់ខ្លួនទាំងអស់។
រហូតមកដល់សព្វថ្ងៃនេះ ក្រុមហ៊ុនបានពង្រីកសេវាកម្មរបស់ខ្លួនដល់ជាង 170 ប្រទេស និងទទួលបានការគាំទ្រពីអ្នកប្រើប្រាស់ជាង 3 ពាន់លាននាក់នៅទូទាំងពិភពលោក។
សាកស្រមៃមើលការត្រូវបានកាត់ផ្តាច់ទាំងស្រុងពីបច្ចេកវិទ្យាលោកខាងលិច…បានក្លាយជាកាតាលីករដែលធ្វើឱ្យប្រទេសចិនដឹងថាពួកគេមិនអាចពឹងច្រមុះអ្នកដទៃដើម្បីដកដង្ហើមបានទៀតហើយ
ការពឹងផ្អែកលើខ្លួនឯងទាំងស្រុង100%បានចាប់ផ្តើមចាប់ពីថ្ងៃនោះមក។
ប៉ុន្តែគ្រាន់តែរយៈពេល2ឆ្នាំក្រោយ អ្នកអភិវឌ្ឍន៍ចិនបានធ្វើអោយ
Silicon Valley ស្រឡាំងកាំង
នៅពេលដែលពួកគេបានដាក់ឱ្យដំណើរការ
DeepSeek ដែលជាគំរូភាសាដ៏ស៊ីជម្រៅ
និងឆ្លាតវៃយ៉ាងខ្លាំង ដែលក៏ជាប្រភពបើកចំហដែលអាចរកបានដោយឥតគិតថ្លៃទៀតផង។
អ្វីដែលគួរឱ្យភ្ញាក់ផ្អើលបំផុតនោះគឺ
តម្លៃនៃអភិវឌ្ឍន៍គំរោងនេះគឺត្រឹមតែ 1/20 នៃអ្វីដែល OpenAI ចំណាយ ហើយលទ្ធផលគឺអាចប្រៀបធៀបបានក្នុងគុណភាពដូចគ្នា...
ហើយថ្មីៗនេះ ក្នុងឆ្នាំ
2026 យើងកំពុងឃើញភាពឈានមុខជាប្រវត្តិសាស្ត្រមួយទៀតពីប្រទេសចិនវាគឺជាការលេចចេញនូវ Lion Shine ដែលជាកុំព្យូទ័រទំនើបរបស់ចិនសុទ្ធសាធ។
វាទើបតែលេចរូបរាងឡើងដល់កម្រិតក្លាយជាកុំព្យូទ័រលឿនបំផុតរបស់ពិភពលោក វ៉ាដាច់សហរដ្ឋអាមេរិកជាលើកដំបូងចាប់តាំងពីឆ្នាំ 2017។
ភាពអស្ចារ្យមិនត្រឹមតែស្ថិតនៅក្នុងល្បឿនរបស់វាប៉ុណ្ណោះទេ
ប៉ុន្តែថែមទាំងនៅក្នុងវិធីសាស្រ្តក្នុងការបង្កើត...ប្រទេសចិនបានជៀសចេញពីទណ្ឌកម្មរបស់អាមេរិកដោយជោគជ័យ។
ពួកគេបានបង្កើតកុំព្យូទ័រទំនើបលំដាប់ពិភពលោកនេះដោយប្រើមីក្រូឈីបដែលផលិតដោយខ្លួនឯងក្នុងស្រុកទាំងស្រុង
រួមបញ្ចូលគ្នាជាមួយនឹងបច្ចេកវិទ្យាចិនដែលមានកម្មសិទ្ធិ ដោយគ្មានឥទ្ធិពលរបស់លោកខាងលិច
នេះគឺជាសញ្ញារោទិ៍ដ៏គួរឱ្យភ្ញាក់ផ្អើលមួយដែលបង្ហាញថាអនាគតនៃការប្រកួតប្រជែង AI កំពុងត្រូវបានផ្លាស់ប្តូរជារៀងរហូត…
ក្រុមហ៊ុនសកលមួយដូចជា
Coinbase ដែលជាវេទិការូបិយប័ណ្ណគ្រីបតូឈានមុខគេមួយរបស់ពិភពលោកថ្មីៗនេះបានធ្វើការសម្រេចចិត្តដ៏សំខាន់មួយដើម្បីបោះបង់ចោល
OpenAI ហើយប្តូរទៅប្រើវេទិកា AI របស់ចិនដូចជា Zhipu និង DeepSeek
ជំនួសវិញ ហេតុផលក្នុងការសម្រេចចិត្តនេះគឺជាមូលដ្ឋានគ្រឹះ
និងជាមូលដ្ឋានដ៏អស្ចារ្យសម្រាប់ពិភពជំនួញ ទាំងអស់គឺព្រោះតែលុយ…វេទិកា AI របស់ចិនមានភាពវៃឆ្លាតដូចអាមេរិកដែរ ប៉ុន្តែតម្លៃគឺខុសគ្នាឆ្ងាយដូចមេឃនិងដី។
មានទិន្នន័យបង្ហាញថានៅពេលដែល
Coinbase ប្រើប្រាស់ AI របស់អាមេរិកសម្រាប់កិច្ចការមួយ
វិក្កយបត្របានកើនឡើងដល់
4,811 ដុល្លារ…ប៉ុន្តែនៅពេលដែលពួកគេប្តូរទៅដំណើរការកិច្ចការដូចគ្នាដោយប្រើ Zhipu របស់ចិនតម្លៃបានធ្លាក់ចុះមកត្រឹម 544 ដុល្លារប៉ុណ្ណោះ។
ថោកជាងស្ទើរតែ9ដង ខណៈពេលដែលផ្តល់លទ្ធផលដែលមានគុណភាពល្អដូចគ្នា តើស្ថាប័នណាដែលមិនទទួលយករឿងបែបនេះ…?
ប្រព័ន្ធផ្សព្វផ្សាយសំខាន់ៗដូចជា
CNBC ថែមទាំងបានព្រមានដោយផ្ទាល់ដល់វិនិយោគិនអាមេរិកអំពីរឿងនេះ ពួកគេនិយាយថាពពុះសាប៊ូ
AI របស់អាមេរិកជិតផ្ទុះហើយ។
របាយការណ៍នេះបានបញ្ជាក់ថា
វេទិកាចុងក្រោយរបស់ Zhipu គឺ GLM 5.2 កំពុងធ្វើឲ្យឧស្សាហកម្មនេះរង្គោះរង្គើ
បានធ្វើអោយរំលងមុខមាត់របស់វេទិកាopen source ផ្សេងទៀតឆ្ងាយណាស់…
ភាពរឹងមាំរបស់ GLM 5.2 ស្ថិតនៅលើសមត្ថភាពរបស់វាក្នុងការធ្វើការដោយឯករាជ្យ
ឬហៅថាAgentic។ក្នុងការធ្វើតេស្តស្តង់ដារក្នុងវិស័យនេះ
វេទិកាចិនទទួលបានពិន្ទុទាបជាងវេទិកាលោកខាងលិចត្រឹមតែ 1 ភាគរយប៉ុណ្ណោះ
ប្រសិទ្ធភាពខុសគ្នា1% ប៉ុន្តែតំលៃថោកជាង5ដង – ទោះអ្នកណាក៏ត្រូវគិតដែរ…ក្នុងសម័យកាលនេះ ក្រុមហ៊ុនទាំងអស់កំពុងឈឺក្បាលជាមួយនឹងថវិកា
AI ដែលកើនឡើងយ៉ាងឆាប់រហ័ស ហើយបើមានជម្រើសមានឥទ្ធិពលការងារស្មើគ្នា
ប៉ុន្តែមានតម្លៃសមរម្យជាងមុន ក្រុមហ៊ុនធំៗលែងអាចមិនអាចព្រងើយកន្តើយបានទៀតហើយ។
បច្ចុប្បន្ន ស្ថិតិគួរឲ្យចាប់អារម្មណ៍មួយបង្ហាញថា
ក្រុមហ៊ុន ស្ថាប័នធំៗជាង 45 ភាគរយកំពុងចំណាយប្រាក់ជាង 100,000 ដុល្លារអាមេរិកក្នុងមួយខែលើសេវាកម្ម
AI…
ហើយក្រុមហ៊ុនទាំងអស់នេះអាច say goodbye វេទិកាAIអាមេរិកពេលណាក៏បាន នៅពេលដែលដល់ពេលប្រជុំពិនិត្យឡើងវិញនូវថវិការប្រចាំត្រីមាសបន្ទាប់។
ស្ថានភាពដែលអាមេរិកកំពុងព្យាយាមរឹតត្បិតបច្ចេកវិទ្យាចិនបច្ចុប្បន្ននេះ
ធ្វើអោយលេចចេញរូបភាពការចងចាំឡើងវិញអំពីសង្គ្រាមពាណិជ្ជកម្មក្នុងសម័យលោក ដូណាល់ ត្រាំ…
នៅពេលនោះ លោក ត្រាំ បានសម្រេចចិត្តកំណត់គោលដៅសេដ្ឋកិច្ចចិនដោយដាក់ពន្ធនាំចូលខ្ពស់កប់ពពក
ពេលខ្លះតួលេខបានកើនឡើងដល់ 145% នៅពីក្រោយគោលនយោបាយនោះមើលទៅហាក់ដូចជាសាមញ្ញណាស់ ដោយលោកជឿជាក់ថា
ប្រសិនបើពន្ធនាំចូលពីប្រទេសចិនខ្ពស់ពេក ក្រុមហ៊ុនអាមេរិកនឹងមិនអាចទ្រាំទ្រនឹងការចំណាយបានទេ…ហើយនឹងត្រូវប្រញាប់ប្រញាល់ផ្លាស់ប្តូរមូលដ្ឋានផលិតកម្មរបស់ពួកគេត្រឡប់មកអាមេរិកវិញ
ដោយសង្ឃឹមថានឹងបង្កើតការងារថ្មីរាប់លាននាក់ដើម្បីជួយជនជាតិអាមេរិកឱ្យរីកចម្រើនជាងមុន។
ប៉ុន្តែពិភពនៃអាជីវកម្មអន្តរជាតិគឺស្មុគស្មាញជាងការគូរបន្ទាត់នៅលើផែនទី ក្រុមហ៊ុនកំរិតសកលអាមេរិកដូចជា
Apple
និង Nike
បានជាប់ពាក់ព័ន្ធជាមួយខ្សែសង្វាក់ផ្គត់ផ្គង់នៅក្នុងប្រទេសចិនអស់រយៈពេលជាច្រើនទសវត្សរ៍មកហើយ
គ្រឹះមួយនេះត្រូវបានចាក់ឫសយ៉ាងជ្រៅពេកមិនអាចដកចេញបានដោយងាយស្រួលឡើយ…ការផ្លាស់ប្តូររោងចក្រត្រឡប់ទៅអាមេរិកវិញនឹងមានន័យថាការចំណាយកើនឡើងខ្ពស់ដែលអាចធ្វើឱ្យពួកគេគ្មានប្រាក់ចំណេញ
នៅទីបំផុត លោក ត្រាំ ត្រូវតែដកថយដោយស្ងៀមស្ងាត់ ធ្វើអោយផែនការរបស់គាត់បរាជ័យ។
ហើយពេលនេះ គំនិតដូចគ្នាកំពុងត្រូវបានអនុវត្តម្តងទៀតចំពោះឧស្សាហកម្ម
AI
រដ្ឋាភិបាលសហរដ្ឋអាមេរិកបានចេញបទបញ្ជាហាមឃាត់ការនាំចេញបន្ទះឈីប
AI
ផ្ទាល់ខ្លួន...
រឹតត្បិតម៉ូដែល និងដាក់ចូលក្នុងបញ្ជីខ្មៅវេទិកាបច្ចេកវិទ្យាចិនដូចជា
Alibaba
និង Baidu
ដោយចាត់ទុកពួកគេថាជាក្រុមហ៊ុនដែលមានទំនាក់ទំនងជាមួយយោធាចិន។
ប៉ុន្តែការឆ្លើយតបរបស់ប្រទេសចិនគឺការសំងំបង្កើតម៉ូដែលទំនើបៗឥតឈប់ឈរ
ហើយកំពុងកាត់បន្ថយតម្លៃដល់កម្រិតទាបជាងដៃគូប្រកួតប្រជែងគឺអាមេរិក។
ក្នុងពេលជាមួយគ្នានេះ
ក្រុមហ៊ុនដូចជា Anthropic កំពុងត្រៀមខ្លួនចូលទីផ្សារភាគហ៊ុនបានរៀបចំឯកសារសម្រាប់
IPO
ដោយដាក់ឯកសារសម្រាប់តម្លៃខ្ពស់បំផុត
965 ពាន់លានដុល្លារ...ចំណែកOpenAI ក៏បានធ្វើតាមដោយស្ងាត់ៗផងដែរ
ប៉ុន្តែបញ្ហាធំស្ថិតនៅក្នុងវេទិកាអាជីវកម្មរបស់ក្រុមហ៊ុនទាំងនេះគឺពួកគេត្រូវបានបង្កើតឡើងដោយផ្អែកលើជំនឿថាពួកគេអាចរកប្រាក់ចំណេញជាបន្តបន្ទាប់ពីអតិថិជនសហគ្រាសក្នុងតម្លៃខ្ពស់ជាងដៃគូប្រកួតប្រជែងចិនរបស់ពួកគេពី
9 ទៅ 33 ដង បើគិតទៅ យុទ្ធសាស្ត្រនេះមិនអាចទ្រទ្រង់បានយូរអង្វែងឡើយ។
នៅទីបំផុត វេទិកា AI
របស់អាមេរិកត្រូវបង្ខំដោយកម្លាំងទីផ្សារឱ្យបន្ថយតម្លៃមកប្រកួតប្រជែងដដែល
វេលាគួរឱ្យចាប់អារម្មណ៍មួយនៅពេលដែលនាយកប្រតិបត្តិរបស់ Anthropic
បាននិយាយទៅកាន់សភានីតិបញ្ញត្តិសហរដ្ឋអាមេរិក
លោកបានថ្លែងថា ការអនុញ្ញាតឲ្យវេទិកា AI ប្រភពបើកចំហ open source រីកចម្រើនតាមវិធីនេះគឺមានគ្រោះថ្នាក់ខ្លាំងណាស់…បើនិយាយត្រង់ៗទៅ
គឺលោកកំពុងផ្តល់សញ្ញាទៅរដ្ឋាភិបាលឲ្យជួយអនុម័តច្បាប់ដើម្បីហាមឃាត់ការប្រកួតប្រជែង
ដោយផ្តោតលើវេទិកាចិនជាពិសេស។ប៉ុន្តែនេះគឺជាប្រវត្តិសាស្ត្រដ៏ច្រំដែលជានិច្ច
រាល់ពេលដែលអាមេរិកជ្រើសរើសការដាក់សម្ពាធ ច្រើនតែបញ្ចប់ដោយការបំផ្លិចបំផ្លាញនិងបង្កផលវិបាកមកលើខ្លួនឯងវិញ។
អ្នកអនាគតនិយម Daniel
Jeffries បានសង្ខេបស្ថានភាពនេះយ៉ាងដាច់ខាតមួយ
លោកនិយាយថា សព្វថ្ងៃនេះអាមេរិកកំពុងយកសៀវភៅចាស់របស់ចិនមកប្រើប្រាស់៖
ពោលគឺព្យាយាមគ្រប់គ្រង
ទប់ស្កាត់ និងធ្វើសកម្មភាពដោយការការភ័យខ្លាច…
ហើយដែលចិនកំពុងអង្គុយអានសៀវភៅចាស់របស់អាមេរិក៖
ពោលគឺបើកចំហ ចែកចាយឱកាស
និងជំរុញដោយអំណាចពេញលេញនៃមូលធននិយម
ស្ទើរតែច្បាស់ណាស់ថាអ្នកណាមានឱកាសឈ្នះហ្គេមនេះបានល្អជាង…
មេដឹកនាំកំពូលរបស់ចិនបានរៀបចំផែនការយុទ្ធសាស្ត្រអនាគតរបស់ពួកគេយ៉ាងច្បាស់លាស់
មានរបាយការណ៍ថា ចិនកំពុងជំរុញឲ្យដាក់បញ្ចូល
AI
ក្នុងកម្មវិធីសិក្សាគ្រប់កម្រិត…
ដើម្បីបំពាក់ជំនាញ
AI
ដល់កុមារចិនជំនាន់ថ្មីតាំងពីក្មេង
នេះជាផែនការរយៈពេល5ឆ្នាំថ្មីដែលច្បាស់លាស់
មិនមែនជាការលក់ក្តីសុបិន្តនោះទេ។
បើមើលតួលេខកំណើនសេដ្ឋកិច្ចពិភពលោកក្នុងរយៈពេល
25 ឆ្នាំកន្លងមក…
ប្រទេសចិនមានកំណើនសេដ្ឋកិច្ចលោតផ្លោះដ៏គួរឲ្យភ្ញាក់ផ្អើលខណៈដែលអាមេរិកបានធ្លាក់ចុះជាលំដាប់ចាប់តាំងពីឆ្នាំ
2000។
អនាគតនៃពិភពលោកនេះកំពុងត្រូវបានជំរុញដោយបច្ចេកវិទ្យាពីបូព៌ា
មនុស្សកំពុងប្តូរទៅប្រើប្រាស់រថយន្តអគ្គិសនីម៉ាកចិន
ទូរស័ព្ទចល័តចិន និងបន្ទះសូឡាចិន...
ហើយឆាប់ៗនេះ ប្រទេសចិននឹងក្លាយជាអ្នកផ្គត់ផ្គង់លេខមួយនៃម៉ូដែល
AI
ដល់ក្រុមហ៊ុនទូទាំងពិភពលោក។
ក្រុមហ៊ុនយក្សជាច្រើនកំពុងនាំគ្នាដើរតាមគន្លងរបស់
Coinbase
ហើយ។
ដូចជាវេទិកាសកល Shopify
បានផ្លាស់ប្តូរទៅ Qwen
ដែលជា AI
របស់ Alibaba។
Airbnb
និង Uber
Eats កំពុងដើរតាមគន្លងដូចគ្នាដែរ...សូម្បីតែក្រុមហ៊ុនយក្សឧស្សាហកម្មដូចជា Siemens
មកពីប្រទេសអាល្លឺម៉ង់ឬសសរស្តម្ភបច្ចេកវិទ្យាដូចជា
Microsoft
កំពុងសាកល្បង DeepSeek
ទម្រង់ទី 4 របស់ប្រទេសចិនដោយសម្ងាត់។
លោក Alex
Svanevik នាយកប្រតិបត្តិជាន់ខ្ពស់នៅ Nansen AI ថែមទាំងបានទទួលស្គាល់ដោយបើកចំហថា...គាត់មិនដែលស្រមៃថាប្រទេសចិននឹងឈ្នះសង្គ្រាមអំណាចទន់
Soft powerក្នុង AI នោះទេ។ក្នុងពេលដែលមេដឹកនាំអាមេរិកកំពុងរវល់បង្ហាញខ្លួនតាមប្រព័ន្ធផ្សព្វផ្សាយថា
AI
ដណ្តើមយកការងាររបស់មនុស្ស។តែចិនកំពុងចំណាយពេលរបស់ពួកគេក្នុងការអភិវឌ្ឍការងារដែលមានគុណភាពខ្ពស់
និងមានតម្លៃទាប កំពុងគ្របដណ្ដប់លើទីផ្សារយ៉ាងទូលំទូលាយ...ហើយដើម្បីបញ្ជាក់បន្ថែមទៀតអំពីសមត្ថភាពជឿនលឿនរបស់ប្រទេសចិន
ពេលនេះប្រទេសចិនមិនមែនគ្រាន់តែអភិវឌ្ឍ
AI
សម្រាប់ប្រើប្រាស់ក្នុងស្រុកទៀតហើយ
ប៉ុន្តែពួកគេកំពុងបង្កើតឧស្សាហកម្មថ្មីមួយដែលហៅថាការនាំចេញថូខេន
(Token) សម្រាប់អ្នកដែលមិនសូវស្គាល់
ថូខឹនគឺជាឯកតាតូចបំផុតដែល AI ប្រើដើម្បីគិត និងដំណើរការការនិយាយ...
ពាក្យបញ្ជាកាន់តែស្មុគស្មាញ
និងវែង AI ត្រូវការថូខឹនកាន់តែច្រើន។
កាលពីមុន យើងឃើញថាការនាំចេញរបស់ប្រទេសចិនគឺជាសម្លៀកបំពាក់
ឬឧបករណ៍អគ្គិសនី
ប៉ុន្តែសព្វថ្ងៃនេះ អ្វីដែលប្រទេសចិនកំពុងនាំចេញគឺថាមពលដំណើរការទិន្នន័យដែលធ្វើដំណើរតាមរយៈខ្សែកាបក្រោមទឹកជុំវិញពិភពលោក។
អាជីវកម្មនាំចេញថូខឹននេះកំពុងមានកំណើនយ៉ាងឆាប់រហ័សនិងមិនអាចបញ្ឈប់បានឡើយ
បរិមាណនៃការនាំចេញបានកើនឡើងយ៉ាងឆាប់រហ័សពីរាប់រយលានទៅរាប់ម៉ឺនលានថូខឹន...
ហើយមើលទៅដូចជានឹងឈានដល់រាប់រយលានលានថូខឹននៅឆ្នាំ
2026។
រឿងរ៉ាវទាំងអស់នេះកំពុងប្រាប់យើងពីទិសដៅដែលពិភពលោកកំពុងបែរទៅខាងណា?
ប្រទេសចិនកំពុងសរសេរអនាគតដោយផ្តល់ជូន
AI
ដែលលឿនបំផុត មានថាមពលបំផុត
និងចំណាយតិចបំផុត។
អ្នកប្រើប្រាស់ និងអាជីវកម្មជ្រើសរើសអ្វីដែលល្អបំផុត
និងសន្សំសំចៃបំផុតដោយធម្មជាតិ...
ការព្យាយាមហាមឃាត់បច្ចេកវិទ្យាប្រកួតប្រជែងជាមួយនឹងលេសគ្រប់ប្រភេទ
អាចពន្យាពេលវេលាបានតែខ្លះៗប៉ុណ្ណោះ
ប៉ុន្តែនឹងមិនបញ្ឈប់បច្ចេកវិទ្យាពិតប្រាកដបាននោះទេ។
លោកខាងលិចត្រូវត្រលប់ទៅធ្វើកិច្ចការផ្ទះឡើងវិញ
ហើយផ្លាស់ប្តូរយុទ្ធសាស្ត្ររបស់ខ្លួនទាំងស្រុង មុនពេលលើឆាកបច្ចេកវិទ្យាពិភពលោកគ្មានកន្លែងអោយពួកគេឈរទៀត…
អត្ថបទ ៖ សេនាមេឃ
ឯកសារយោង៖ [cnbc,
bloomberg, scmp, reuters, techcrunch]
