.jpg)
សំណុំរឿងក្តីករណីជុំវិញដំណើរការជ្រើសរើសសមាជិកព្រឹទ្ធសភាកំពុងក្លាយជាបញ្ហាប្រឈមដ៏ធំមួយដែលរដ្ឋាភិបាលរបស់លោក
Anutin មិនអាចគេចផុតបានឡើយ
ក្នុងដែលគណបក្សប្រឆាំងកំពុងរៀបចំស៊ើបអង្កេត សំណួរសំខាន់មិនមែនគ្រាន់តែថាអ្នកណាពាក់ព័ន្ធឬអត់នោះទេ
ប៉ុន្តែអ្នកណានឹងត្រូវទទួលខុសត្រូវខាងនយោបាយប្រសិនបើមានទំនាក់ទំនងពីអតីតកាលត្រូវបានរកឃើញ
លោក Anutin តែងតែអះអាងជាប់រហូតថា
រដ្ឋាភិបាលបច្ចុប្បន្នមិនពាក់ព័ន្ធនឹងការជ្រើសរើសសមាជិកព្រឹទ្ធសភាទេ ព្រោះលោកបានចូលកាន់តំណែងជានាយករដ្ឋមន្ត្រីក្នុងឆ្នាំ
2026 ខណៈដែលការជ្រើសរើសសមាជិកព្រឹទ្ធសភាបានធ្វើឡើងក្នុងឆ្នាំ
2024 ប៉ុន្តែ គណបក្សប្រឆាំងអាចមិនមើលរឿងនេះត្រឹមតែជារឿងពេលវេលាប៉ុណ្ណោះទេ
ព្រោះក្នុងអំឡុងពេលជ្រើសរើសសមាជិកព្រឹទ្ធសភា ភូមចៃថៃ Bhumjaithai គឺជាដៃគូក្នុងរដ្ឋាភិបាលចម្រុះ
ហើយលោក Anutin បានកាន់តំណែងជាឧបនាយករដ្ឋមន្ត្រី
និងជារដ្ឋមន្ត្រីក្រសួងមហាផ្ទៃ នេះទើបធ្វើអោយគណបក្សប្រឆាំងសួរថាតើការទទួលខុសត្រូវខាងនយោបាយគួរត្រូវតែបញ្ចប់ដោយតំណែងនៅក្នុងរដ្ឋាភិបាលមុនឬយ៉ាងណា?
ទន្ទឹមនឹងនេះ ករណីនេះ... ក៏មានមតិខុសគ្នានៅក្នុងគណៈកម្មការរៀបចំការបោះឆ្នោតផងដែរ
ភាគីម្ខាងជឿថាមានភស្តុតាងគ្រប់គ្រាន់ដើម្បីបន្តសំណុំរឿងនេះ ខណៈភាគីម្ខាងទៀតអះអាងថាការចោទប្រកាន់ទាំងនេះគ្មានមូលដ្ឋាន។
នៅទីបំផុត ការសម្រេចរឿងក្តីនេះគឺស្ថិតនៅលើគណៈកម្មការរៀបចំការបោះឆ្នោតមួយក្រុមធំ
ហើយនេះគឺជាចំណុចក្តៅទោះលទ្ធផលចេញមកយ៉ាងម៉េចក៏ដោយ ក៏គណៈកម្មការរៀបចំការបោះឆ្នោតត្រូវតែឆ្លើយទៅកាន់សាធារណជនអំពីមូលហេតុនៅពីក្រោយមតិខុសគ្នា
ហើយភស្តុតាងដែលយកមកពិចារណា និងមូលហេតុដែលទស្សនៈរបស់ក្រុមការងារខុសគ្នា ប៉ុន្តែបញ្ហានេះមិនបញ្ចប់ត្រឹមនេះទេ ព្រោះមានករណីស្របគ្នាដែលពាក់ព័ន្ធក្រុមសង្គមសម្ងាត់ដែលថៃប្រើពាក្យអាំងយី(បង្កើតក្រុមសម្ងាត់ជួយគ្នា) secret societyដែលបានរៀបចំនិងការលាងលុយកខ្វក់កំពុងស្ថិតក្រោមការស៊ើបអង្កេតដោយ
DSI ដូច្នេះ
លទ្ធផលនៃករណីសមាជិកព្រឹទ្ធសភាអាចមិនត្រឹមតែប៉ះពាល់ដល់នយោបាយសភាប៉ុណ្ណោះទេ ប៉ុន្តែក៏អាចមានផលវិបាកលើករណីពាក់ព័ន្ធផ្សេងទៀតផងដែរ
បក្សប្រឆាំងក៏មានផែនការទី2ផងដែរ ប្រសិនបើការស៊ើបអង្កេតលើករណីសមាជិកព្រឹទ្ធសភាមិនអាចដំណើរការដូចការរំពឹងទុកទេ
ហ្គេមនេះអាចផ្លាស់ប្តូរពីការសួរថាអ្នកណាពាក់ព័ន្ធទៅជាសំណួរធំជាងនេះ គឺតើអ្នកនយោបាយគួរគោរពតាមនិយាមសីលធម៌អ្វីខ្លះ? នេះគឺជាសង្វៀនមួយដែលអាចអូសយកបញ្ហានេះចូលទៅក្នុងយន្តការរដ្ឋធម្មនុញ្ញ
និងបើកជាចំណុចនៃគុណវុឌ្ឍិ និងសីលធម៌សម្រាប់អ្នកកាន់តំណែងនយោបាយ និយាយឱ្យសាមញ្ញ ទ្វារទីមួយគឺគណៈកម្មការរៀបចំការបោះឆ្នោត
ប៉ុន្តែប្រសិនបើទ្វារទីមួយបិទ ទ្វារទីពីរអាចជាហ្គេមនៅក្នុងសភា និងស្ថាប័នរដ្ឋធម្មនុញ្ញ
នេះមិនមែនគ្រាន់តែជាសមរភូមិរវាងរដ្ឋាភិបាល និងគណបក្សប្រឆាំងនោះទេ តែជាការភ្នាល់គ្នាលើភាពជឿជាក់របស់គណៈកម្មការរៀបចំការបោះឆ្នោត
ដែលភ្នាល់គ្នាលើអនាគតរបស់បក្សភូមចៃថៃ និងកៅអីនាយករដ្ឋបន្ត្រីរបស់លោកអនុធីនទៀតផង។ សំណួរចុងក្រោយគឺ
នៅពេលដែលលទ្ធផលរបស់គណៈកម្មការរៀបចំការបោះឆ្នោតត្រូវបានចេញមកហើយ តើសមរភូមិនេះនឹងបញ្ចប់ឬនឹងបើកសមរភូមិថ្មីដែលកាន់តែក្តៅគគុកជាងមុន?
អត្ថបទនិងសំលេង៖ សេនាមេឃ
