នៅព្រឹកថ្ងៃសុក្រ ១៣កើត ខែអស្សុជ
ឆ្នាំម្សាញ់ ព.ស២៥៦៩ ត្រូវនឹងថ្ងៃទី៣ ខែតុលា ឆ្នាំ២០២៥នេះ ឧត្តមសេនីយ៍ឯក យិន
សារ៉ាន់ អគ្គនាយករង អគ្គនាយដ្ឋានភស្តុភារ-ហិរញ្ញវត្ថុ ក្រសួងការពារជាតិ បានអញ្ជើញជាអធិបតី បើកវគ្គហ្វឹកហ្វឺន
បំប៉នជំនាញបើកបររថយន្តធុនធ្ងន់ជំនាន់ទី១០ ក្នុងកងពលតូចដឹកជញ្ជូនលេខ៩៩ ។
ក្នុងសន្ទរកថាស្វាគមន៏របស់លោក
ឧត្តមសេនីយ៏ត្រី ហ៊ុល វណ្ឌី មេបញ្ជាការរង និងជានាយសេនាធិការកងពលតូចដឹកជញ្ជូនលេខ៩៩
បានឲ្យដឹងថា ពាក់ព័ន្ធភារកិច្ចចំពោះមុខ កងពលតូចដឹកជញ្ជូនលេខ៩៩
បានសម្រេចនូវភារកិច្ចជាច្រើន ទាំងកិច្ចការងារស្នូល ក៏ដូចជាការងារកសាងហេដ្ឋារចនាសម្ព័ន្ធនានា ការងារបណ្តុះបណ្តាលធនធានមនុស្ស និងភារកិច្ចចំពោះមុខ
ក៏ដូចជាភារកិច្ចក្នុងភូមិសាស្ត្រដែលកងពលទទួលខុសត្រូវបានរឹងមាំស្របតាមបទបញ្ជាដែលថ្នាក់លើប្រគល់ជូន
ដោយឈរលើស្មារតី យកចិត្តទុកដាក់ ។
ឧត្តមសេនីយ៍ឯក យិន
សារ៉ាន់បានផ្តាំផ្ញើរដល់កម្មសិក្សាទាំងអស់ត្រូវយកចិត្តដាក់រៀនសូត្រ មានវិន័យខ្ពស់
ត្រូវគោរពវិន័យបទបញ្ជាផ្ទៃក្នុងវគ្គ មានសាមគ្គីផ្ទៃក្នុងល្អ
និងគោរពពេលវេលារៀនសូត្រអោយបានទៀងទាត់ មានអត្តចរិកល្អសកសមជាកងយោធពលភូមិន្ទ
និងបានសំណូមពរដល់គ្រូ គ្រូយោធាចារ្យត្រូវខិតខំរិះរកគន្លឹះ
និងទ្រឹស្តីល្អៗធ្វើយ៉ាងណាអោយសិក្ខាកាមងាយយល់ ពេលបញ្ជប់វគ្គទទួលបានលទ្ធផលល្អ ៕
