ព្រះអង្គម្ចាស់ Hisahito នៃប្រទេសជប៉ុន
បានចូលរួមក្នុងពិធីដ៏មហិមាមួយ ដើម្បីអបអរសាទរការយាងចូលចម្រើនព្រះជន្មពេញវ័យរបស់ព្រះអង្គ
នេះជាពិធីដំបូងគេក្នុងរយៈពេលជិត៤០ឆ្នាំមកនេះ គាត់បានក្លាយជារាជបុរសដំបូងគេដែលឈានដល់ភាពពេញវ័យចាប់តាំងពីឪពុករបស់គាត់គឺព្រះអង្គម្ចាស់
Fumihito ក្នុងខែវិច្ឆិកាឆ្នាំ 1985 ។
ព្រះអង្គម្ចាស់ Hisahito ដែលជាចៅប្រុសរបស់ព្រះចៅអធិរាជ
Naruhito ដែលជាប្រមុខនៃរាជវង្សអធិរាជជប៉ុន និងជារាជទាយាទឡំដាប់ទី2ក្នុងជួររាជបល្ល័ង្ក Chrysanthemum មានអាយុ 18 ឆ្នាំនៅថ្ងៃទី 6 ខែកញ្ញា ឆ្នាំ 2024 ដែលត្រូវបានចាត់ទុកថាពេញវ័យក្រោមច្បាប់របស់ប្រទេសជប៉ុន
ទោះជាយ៉ាងណាក៏ដោយ ពិធីផ្លូវការត្រូវបានពន្យារពេលមួយឆ្នាំ ដើម្បីជៀសវាងការរំខានដល់ការរៀបចំរបស់គាត់សម្រាប់ការប្រឡងចូលសាកលវិទ្យាល័យ។
ក្នុងពិធីនោះ ព្រះអង្គគង់លើបល្ល័ង្ករបស់ព្រះអង្គ
ខណៈអ្នកចូលរួមដោះក្រណាត់ជួតព្រះសិរសាសូត្រខ្មៅរបស់ព្រះអង្គ ហើយពាក់មកុដដែលព្រះចៅអធិរាជ
Naruhito ប្រគល់ជូន ព្រះចៅអធិរាជ និងព្រះរាំជនី Masako រួមជាមួយឪពុកម្តាយរបស់ព្រះអង្គ
គឺព្រះអង្គម្ចាស់ Fumihito និងព្រះនាង Kiko មានវត្តមានធ្វើជាសាក្សីក្នុងពិធីនេះ។
បន្ទាប់ពីពិធីនោះ ព្រះអង្គម្ចាស់
Hisahito បានផ្លាស់ប្តូរសម្លៀកបំពាក់ជាផ្លូវការ
ហើយបានធ្វើដំណើរតាមរទេះសេះទៅកាន់ពិធីគោរពបូជាដូនតាអធិរាជ។
នៅពេលរសៀល ព្រះអង្គម្ចាស់
Hisahito នឹងចូលគាល់ព្រះចៅអធិរាជ និងព្រះរាជនីនៅសាល Matsunoma ជាកន្លែងដែលព្រះអង្គនឹងទទួល
Grand Cordon of the Supreme Order of the
Chrysanthemum តាមប្រពៃណីរបស់រាជវង្ស។
ព្រះអង្គម្ចាស់ Hisahito គឺជាសមាជិកទីមួយនៃគ្រួសារអធិរាជជប៉ុនដែលឈានដល់ភាពពេញវ័យក្រោមក្រមរដ្ឋប្បវេណីដែលបានកែប្រែរបស់ប្រទេសជប៉ុន
ដែលបានចូលជាធរមានក្នុងខែមេសា ឆ្នាំ 2022 ច្បាប់ថ្មីនេះកាត់បន្ថយអាយុពេញវ័យពី 20 ទៅ 18 ឆ្នាំ។
យោងតាមច្បាប់គ្រួសារអធិរាជ
សមាជិកនៃគ្រួសារអធិរាជដែលបានឈានដល់វ័យពេញវ័យ គឺតម្រូវឱ្យបំពេញព្រះរាជកិច្ច និងចូលរួមក្នុងពិធីសំខាន់ៗ។
ព្រះអង្គម្ចាស់បច្ចុប្បន្នកំពុងសិក្សានៅសាកលវិទ្យាល័យ
Tsukuba មុខជំនាញវិទ្យាសាស្ត្រជីវសាស្ត្រ និងបរិស្ថាន
ដើម្បីបន្តចំណាប់អារម្មណ៍យូរអង្វែងលើសត្វល្អិត។
ប្រែសម្រួល ៖ សេនាមេឃ
ប្រភព ៖ TheStandardNews
ឯកសារយោង៖ https://english.kyodonews.net/articles/-/60526?pn=6
