លោក អនុធីន ឆានវីរៈគុន នឹងក្លាយជានាយករដ្ឋមន្ត្រីទី
32 ហើយក្លាយជានាយករដ្ឋមន្ត្រីទី3បន្ទាប់ពីការបោះឆ្នោតឆ្នាំ 2023
ពេលនេះគាត់មានអាយុជិត 59 ឆ្នាំហើយ គេហៅថា
"ស៊ៀនូ"
ដោយសារតែគាត់គឺជាអ្នកស្នងមរតកជំនាន់ទី2នៃក្រុមហ៊ុនស៊ីណូថៃ
ដែលបង្កើតឡើងដោយឪពុករបស់គាត់គឺ លោក ឆាវវ៉ារ៉ាត់ ឆាន វីរៈគុន ដែលជាអតីតឧបនាយករដ្ឋមន្ត្រីក្នុងរដ្ឋាភិបាល
លោក ស៊ុមឆាយ វង្សសុវ៉ាត់ ។
អនុធីនបានក្លាយជាអនុរដ្ឋមន្ត្រី ដំបូងនៅក្នុងរដ្ឋាភិបាលរបស់លោកថាក់ស៊ីនក្នុងឆ្នាំ
2004 ក្នុងអាយុ 37 ឆ្នាំ។ លោកធ្លាប់ជាឧបនាយករដ្ឋមន្ត្រីចំនួនពីរអាណត្តិ និងជារដ្ឋមន្ត្រីនៅក្នុងក្រសួងចំនួនពីរ
លោក អនុធីន នៅជាមួយគណបក្សថៃរ៉ាក់ថៃ
រហូតដល់អាណត្តិចុងក្រោយរបស់លោកថាក់ស៊ីន មុនពេលដែលលោកថាក់ស៊ីនត្រូវបានដកចេញពីអំណាចនៅក្នុងរដ្ឋប្រហារឆ្នាំ
2006 ។
លោកអនុធីនត្រូវបានហាមឃាត់មិនឲ្យធ្វើនយោបាយរយៈពេលប្រាំឆ្នាំបន្ទាប់ពីគណបក្ស
ថៃ រ៉ាក់ថៃ ត្រូវបានរំលាយ។ ក្នុងអំឡុងពេលដែលលោកត្រូវហាមធ្វើនយោបាយ លោកបានផ្ទេរអោយឪពុករបស់គាត់ចូលរួមជាមួយគណបក្សផ្លាំងប្រជាជន
។ ក្រោយមក នៅពេលដែលក្រុម នេវីន ឈិតឆប ប្រកាសបំបែកខ្លួនពីលោកថាក់ស៊ីន ក្នុងឆ្នាំ 2009 នេវីន និងអនុធីនបានបង្កើតគណបក្សភូមចៃថៃ
ក្រោយមកអនុធីន បានក្លាយជាមេដឹកនាំគណបក្សនៅក្នុងឆ្នាំ
2012។
អាជីពនយោបាយរបស់អនុធីន បានរីកចម្រើនចំពេលមានទំនាក់ទំនងល្អរវាងគ្រួសារត្រកូលអ្នកនយោបាយ
ឆានវីរៈគុននិងត្រកូល ឈីតឆប គាត់បានប្រកាសថាលោកជាកូនប្រុសម្នាក់ទៀតរបស់លោកឆៃ
ព្រោះធ្លាប់និយាយនិងសម្តែងក្តីស្រឡាញ់យ៉ាងជ្រាលជ្រៅចំពោះបងនេវីន ហើយនៅឆ្នាំ 2024 នេវីនបានប្រទានពរឱ្យគាត់ទទួលបានតំណែងជានាយករដ្ឋមន្ត្រី ។
សម្ព័ន្ធភាពជាមួយមហាភូមិគ្រឹស្ត្រដែនដីឦសាន្ត្រូវបានឆ្លុះបញ្ចាំងថាបញ្ជីគ្រួសាររបស់គាត់នៅក្នុងខេត្តប៊ុរីរ៉ាំ។
ក្នុងអំឡុងពេលបោះឆ្នោត លោកបានផ្តល់បទសម្ភាសន៍ដល់ BBC Thai អំពីគុណសម្បតិ្តភាពជាអ្នកដឹកនាំដែលគួរអោយចង់បាន ដែលស្របតាមចំណុចខ្លាំងរបស់គាត់៦ចំនុច។
មួយចណុចនោះមានទំនាក់ទំនងល្អនិងអាចធ្វើការជាមួយគ្រប់គណបក្ស។ បាវចនារបស់គាត់គឺ
"និយាយហើយត្រូវធ្វើ " ទើបមានការពេញចិត្តក្លាយជាមូលដ្ឋានគាំទ្រគាត់យ៉ាងរឹងមាំ តែក៏មានអ្នកមិនពេញចិត្តយ៉ាងច្រើនដែរ ដោយសារតែសមិទ្ធិផលនៃការងាររបស់គាត់
ដូចជាគោលនយោបាយបញ្ហាកញ្ឆានិងការដោះស្រាយមិនស៊ីសង្វាក់គ្នានៃ COVID-19 អំឡុងពេលគាត់កាន់តំណែងជារដ្ឋមន្ត្រីក្រសួងសុខាភិបាល ។
អនុធីនបានរៀបការ3ដង គាត់បានធ្វើអោយមានការចាប់អារម្មណ៏យ៉ាងខ្លាំងពេលដែលគាត់រាយការណ៍ទ្រព្យសម្បត្តិរបស់គាត់ទៅគណៈកម្មាធិការជាតិប្រឆាំងអំពើពុករលួយ
ដោយថាគាត់បង់ប្រាក់ចំនួន 50 លានបាតដល់អតីតភរិយារបស់គាត់។
ភរិយាបច្ចុប្បន្នរបស់លោកគឺ ចា ថាក់ណានុន និរ៉ាមីត Ja Thananon Niramit កូនស្រីសេដ្ឋីក្នុងខេត្ត
រ៉ាក់ណង Ranong ហើយក៏ជាម្ចាស់ហាងកាហ្វេដ៏ល្បីមួយក្នុងខេត្ត
ដែលធ្លាប់ផ្តល់បទសម្ភាសន៍ព័ត៌មាន វេទិការធុរកិច្ច ប្រាឆាឆាត Prachachat Business ថាគាត់ស្រឡាញ់លោកអនុធីន
ដោយបុគ្គលិកលក្ខណៈដ៏កក់ក្តៅ ស្លូតបូត និងផ្តល់កិត្តិយសអោយអ្នកនៅជុំវិញខ្លួន។
របៀបរស់នៅផ្ទាល់ខ្លួនរបស់នាយករដ្ឋមន្ត្រីទី 32 ក៏ជាបុគ្គលផ្ទាល់ចូលចិត្តលេងភ្លេង
ហើយជាញឹកញាប់ឃើញគាត់ញ៉ាំអាហារតាមផ្លូវ គាត់ក៏ជាអ្នកបើកយន្តហោះស្ម័គ្រចិត្តម្នាក់ដែលបានបញ្ជូនសរីរាង្គដើម្បីសង្គ្រោះជីវិតមនុស្ស។
ជីវិតនយោបាយរបស់អនុធីនបានឈានដល់ចំណុចរបត់មួយ នៅពេលដែលលោកបានប្រកាសដឹកនាំគណបក្សភូមចៃថៃ
ដកខ្លួនចេញពីរដ្ឋាភិបាល បន្ទាប់ពីករណីឃ្លីបសំឡេង។
គាត់ក្លាយជាភាគីប្រឆាំងបានតែជាង2ខែ អនុធីន កំពុងនឹងវិលចូលរដ្ឋាភិបាលវិញក្នុងនាមជានាយករដ្ឋមន្ត្រី។
ដោយ ៖ សេនាមេឃ
ប្រភព ៖ BBC THAI
