ការតវ៉ាបានផ្ទុះឡើងនៅ Greenland និងប្រទេសដាណឺម៉ាកប្រឆាំងនឹងផែនការរបស់លោក
Trump ក្នុងការដណ្តើមយកទឹកដី។
ប្រជាជនរាប់ពាន់នាក់នៅ Greenland និងប្រទេសដាណឺម៉ាកបានចេញមកតាមដងផ្លូវដើម្បីតវ៉ាប្រឆាំងនឹងផែនការរបស់ប្រធានាធិបតីអាមេរិក
Donald Trump ក្នុងការដណ្តើមយក Greenland ដែលជាទឹកដីស្វយ័តរបស់ប្រទេសដាណឺម៉ាក។
បាតុកម្មបានកើតឡើងនៅក្នុងទីក្រុងជាច្រើនរបស់ដាណឺម៉ាក
រួមទាំងរដ្ឋធានី Copenhagen និងនៅទីក្រុង Nuuk ដែលជារដ្ឋធានីរបស់
Greenland។
ពីមុន លោក Trump បានអះអាងថា
ការកាន់កាប់ Greenland គឺមានសារៈសំខាន់ចំពោះសន្តិសុខជាតិអាមេរិក ហើយមិនបានច្រានចោលលទ្ធភាពនៃការដណ្តើមយកទឹកដីដោយកម្លាំងយោធានោះទេ។
ថ្មីៗនេះ លោក Trump បានប្រកាសថា
លោកនឹងបន្ថែមពន្ធលើការនាំចូលពីប្រទេសអឺរ៉ុបដែលប្រឆាំងនឹងផែនការរបស់លោក។
នៅក្នុងបាតុកម្មនៅថ្ងៃសៅរ៍នៅទីក្រុង
Copenhagen ក្រុមអ្នកតវ៉ាបានកាន់បដាដែលសរសេរថា "កុំប៉ះ
Greenland" និង "Greenland
សម្រាប់តែប្រជាជន Greenlanders ប៉ុណ្ណោះ" បាតុកម្មត្រូវបានរៀបចំឡើងដោយអង្គការមិនមែនរដ្ឋាភិបាលនៅ
Greenland និងប្រទេសដាណឺម៉ាក។
នៅទីក្រុង Nuuk នាយករដ្ឋមន្ត្រី
Greenland លោក Jens-Frederik
Nielsen បានចូលរួមក្នុងការដង្ហែក្បួនតវ៉ាឆ្ពោះទៅកាន់ស្ថានកុងស៊ុលសហរដ្ឋអាមេរិកផងដែរ។
ប្រភព ៖ BBC
