មេដឹកនាំកូរ៉េខាងជើង
លោក គីម ជុងអ៊ុន និងប្រធានាធិបតីរុស្ស៊ី លោក វ្ល៉ាឌីមៀ ពូទីន នឹងចូលរួមក្នុងពិធីរំលឹកខួបលើកទី
80 នៃការបញ្ចប់សង្គ្រាមលោកលើកទី
2 នៅទីក្រុងប៉េកាំង ប្រទេសចិន
ក្នុងនាមជាភ្ញៀវរបស់ប្រធានាធិបតី Xi Jinping ។ ព្រឹត្តិការណ៍នេះគឺជាលើកទីមួយហើយដែលមេដឹកនាំកូរ៉េខាងជើង
ចិន និងរុស្ស៊ីបានជួបប្រជុំគ្នា។ តើយើងដឹងអ្វីខ្លះ?
នៅថ្ងៃពុធនេះ
(ថ្ងៃទី 3 ខែកញ្ញា) កងកម្លាំងកាំជ្រួចនុយក្លេអ៊ែរ
និងរថក្រោះនឹងធ្វើព្យុហយាត្រានៅទីលានធៀនអាន់មិន Tiananmen ក្នុងទីក្រុងប៉េកាំង ប្រទេសចិន
ក្នុងការបង្ហាញកម្លាំងយោធាដ៏ធំ ទន្ទឹមនឹងនេះ យន្តហោះប្រដេញចម្បាំងជំនាន់ទីប្រាំ នឹងហោះឡើងលើមេឃ។
ទោះជាយ៉ាងណាក៏ដោយ
នៅក្នុងក្បួនដង្ហែ "ទិវាជ័យជំនះ" របស់ប្រទេសចិន ភ្នែកជាច្រើនរបស់មេដឹកនាំជាច្រើនរូបមិនផ្តោតទៅលើបច្ចេកវិទ្យាយោធាដែលដាក់តាំងបង្ហាញនោះទេ
ប៉ុន្តែផ្តោតទៅលើមេដឹកនាំកូរ៉េខាងជើង លោក Kim Jong-un និងប្រធានាធិបតីរុស្ស៊ី លោក
Vladimir Putin ដែលនឹងចូលរួមជាភ្ញៀវរបស់ប្រធានាធិបតី
Xi Jinping ។
មេដឹកនាំនៃប្រទេសទាំងពីរកម្របានធ្វើដំណើរទៅក្រៅប្រទេសក្នុងរយៈពេលប៉ុន្មានឆ្នាំចុងក្រោយនេះ
តើវត្តមានរបស់ពួកគេនៅក្នុងព្រឹត្តិការណ៍រំលឹកខួបលើកទី
80 នៃការបញ្ចប់សង្គ្រាមលោកលើកទី
2 ប្រាប់យើងអ្វីខ្លះអំពីទំនាក់ទំនង
និងផែនការអនាគតរវាងប្រទេសសំខាន់ៗទាំងបីនេះ?
អ្នកជំនាញមកពីផ្នែកកូរ៉េ
រុស្ស៊ី និងចិនរបស់ BBC បានចែករំលែកទស្សនៈរបស់ពួកគេលើការជួបជុំរបស់មេដឹកនាំទាំងនេះ។ Juna Moon ពីនាយកដ្ឋានភាសាកូរ៉េរបស់
BBC បាននិយាយថា
"ជំនួបរវាងមេដឹកនាំ Kim និងប្រធានាធិបតី Xi ជាលើកដំបូងក្នុងរយៈពេលជិតប្រាំមួយឆ្នាំកន្លងមក"
។
"ដំណើរទស្សនកិច្ចចុងក្រោយរបស់លោក Kim ទៅកាន់ប្រទេសចិន
មុនពេលកិច្ចប្រជុំកំពូលទីក្រុងហាណូយឆ្នាំ 2019 គឺដើម្បីជួបជាមួយប្រធានាធិបតី
Donald Trump ក្នុងអំឡុងពេលអាណត្តិដំបូងរបស់គាត់
ហើយលោក Xi បានទៅបំពេញទស្សនកិច្ចនៅក្រុងព្យុងយ៉ាងនៅពេលក្រោយក្នុងឆ្នាំនោះ"។ព្រឹត្តិការណ៍នេះគឺជាលើកទីមួយហើយដែលមេដឹកនាំកូរ៉េខាងជើង
ចិន និងរុស្ស៊ីបានជួបប្រជុំគ្នាជាលើកដំបូង។
នេះជារឿងមិនធម្មតាសម្រាប់មេដឹកនាំកូរ៉េខាងជើងសម័យទំនើប
ខណៈដែលទាំងលោក Kim Jong-un និងឪពុកលោក Kim Jong-il បានកំណត់ជំនួបការទូតរបស់ពួកគេក្នុងការសន្ទនាមួយទល់មួយទល់មុខគ្នាតែប៉ុណ្ណោះ។
គួរកត់សំគាល់ផងដែរថា
នេះជាលើកទីមួយហើយដែលមេដឹកនាំកូរ៉េខាងជើងបានចូលរួមក្នុងព្យុហយាត្រាយោធាចិនចាប់តាំងពីឆ្នាំ
1959 ។
លោក Moon បាននិយាយថា
"ដំណើរទស្សនកិច្ចនេះកើតឡើងនៅពេលដែលប្រទេសកូរ៉េខាងជើងដោះស្រាយបញ្ហាសេដ្ឋកិច្ច និងរៀបចំសម្រាប់ខួបនយោបាយដ៏សំខាន់មួយ
"នេះធ្វើឱ្យជំនួយរបស់ចិនមានសារៈសំខាន់ខ្លាំងណាស់" ខណៈដែលអ្នកសារព័ត៌មានរបស់
BBC បានលើកឡើងពីតម្លៃអង្ករកើនឡើងក្នុងប្រទេសជាឧទាហរណ៍។
លោក គីម
ជុងអ៊ុន ចង់ធានាថា ជំនួយរបស់ចិនធ្វើឱ្យខួបលើកទី 80 នៃការបង្កើតគណបក្សពលករកូរ៉េខាងជើងនៅខែតុលានេះ
ហើយសមាជបក្សលើកទី 9 រំពឹងថានៅឆ្នាំក្រោយជាការប្រារព្ធពិធីដ៏ធំសម្បើមដែរ។
ប្រែសម្រួល
៖ សេនាមេឃ
ប្រភព
៖ BBC
