"ខ្ញុំបានបាញ់ខ្លួនឯង និងកូនទាហានរបស់ខ្ញុំ ដើម្បីនាំពួកគេចេញពីអ៊ុយក្រែន"(នៅពេលដែលវីរបុរសសង្គ្រាមរុស្ស៊ីម្នាក់បានប្រែក្លាយទៅជាអ្នករត់ចោលជួរ)
"ខ្ញុំព្យាយាមជួយមនុស្សដូចខ្ញុំតាមដែលអាចធ្វើបាន អ្នកមិនចាំបាច់បង់ប្រាក់ថ្លៃបន្ទប់ឱ្យខ្ញុំទេ
គ្រាន់តែនៅទីនេះគឺគ្រប់គ្រាន់ហើយ"។
"សង្គ្រាមបានចាប់ផ្តើមហើយ"
Korobov តែងតែស្រមៃចង់ក្លាយជាទាហាន
ទោះបីជាឪពុកម្តាយរបស់គាត់ជាបុគ្គលិកប្រៃសណីយ៍ក៏ដោយ។ គាត់បានសិក្សានៅមហាវិទ្យាល័យយោធាមួយក្នុងទីក្រុងកំណើតរបស់គាត់គឺ
Krasnoyarsk មុនពេលចូលរួមជាមួយកងទ័ពរុស្ស៊ីក្នុងនាមជា "ទាហានវ័យក្មេងពោរពេញដោយភាពរីករាយក្នុងការបម្រើជាតិ"
ហើយកិច្ចសន្យារបស់គាត់ត្រូវបានគ្រោងនឹងបញ្ចប់នៅឆ្នាំ 2023។
ទោះជាយ៉ាងណាក៏ដោយ ភាពរីករាយនោះបានរសាត់បាត់យ៉ាងឆាប់រហ័ស។
"ក្នុងអំឡុងពេលបម្រើការនៅក្នុងកងទ័ព..."
"បានជួបប្រទះនឹងភាពអយុត្តិធម៌ និងភាពឆ្កួតលីលា ហើយក៏ចាប់ផ្តើមបាត់បង់ជំនឿលើអ្វីៗគ្រប់យ៉ាងទាំងស្រុង
ទាំងនៅក្នុងប្រព័ន្ធ និងនៅក្នុងការពិតនៃប្រទេសរុស្ស៊ី" គាត់បាននិយាយ។
នៅដើមឆ្នាំ 2022 Korobov ត្រូវបានបញ្ជូនទៅហ្វឹកហាត់យោធានៅតំបន់
Kursk ជិតព្រំដែនអ៊ុយក្រែន "ខ្ញុំមិនជឿថាសង្គ្រាមនឹងផ្ទុះឡើងទេ
ប៉ុន្តែយើងបានទៅទីនោះដោយសារការព្រួយបារម្ភ" គាត់បានរំលឹក។
កងពលរបស់គាត់បានធ្វើដំណើរឆ្ពោះទៅកាន់ទីក្រុងគៀវ
ដោយឈប់នៅតំបន់ Brovari ភាគខាងកើតនៃទីក្រុង។
នេះគឺជាតំបន់ដែលការិយាល័យរដ្ឋអាជ្ញាអ៊ុយក្រែននិយាយថាទាហានរុស្ស៊ីបានប្រព្រឹត្តបទឧក្រិដ្ឋសង្គ្រាម។
Korobov អះអាងថា គាត់មិនបានឃើញផ្ទាល់ភ្នែកនូវឧក្រិដ្ឋកម្មសង្គ្រាមនោះទេ
ប៉ុន្តែបានឮពីអ្នកដទៃ។ គាត់បាននិយាយថា កាតព្វកិច្ចរបស់គាត់ក្នុងអំឡុងពេលសង្គ្រាមពាក់ព័ន្ធនឹងការការពារផ្នែកខាងក្រោយ
ការនាំផ្លូវ និងការឈ្លបយកការណ៍ ដូច្នេះតម្រូវឱ្យគាត់ចល័តទីតាំងរហូត។
កងពលរបស់គាត់ត្រូវបានឈរជើងនៅជិត
Kyiv រហូតដល់ចុងខែមីនា បន្ទាប់ពីនោះគាត់បានចាកចេញពីតំបន់នោះ នៅពេលដែលកងកម្លាំងរុស្ស៊ីបានដកថយ
បន្ទាប់ពីការប៉ុនប៉ងបិទផ្លូវរដ្ឋធានីអ៊ុយក្រែនមិនបានជោគជ័យ។ ក្នុងអំឡុងពេលដកថយ Korobov បានឃើញផ្ទាល់ភ្នែកនូវការបំផ្លិចបំផ្លាញទីក្រុងអ៊ុយក្រែនផ្សេងៗ
គាត់បាននិយាយថា នេះគឺជា "រឿងដ៏គួរឱ្យរន្ធត់ និងខកចិត្ត"។
Korobov បានរៀបរាប់ថា កងទ័ពរបស់គាត់ត្រូវបានវាយឆ្មក់ដោយកងកម្លាំងអ៊ុយក្រែនច្រើនដង។
គាត់បានរំលឹកថា "យើងត្រូវសងសឹក"
«តើយើងអាចធ្វើអ្វីបានទៀត? តើការស្លាប់?ខ្ញុំនឹងក្លាយជាមនុស្សល្អមែនទេ? ខ្ញុំចង់រស់ ហើយខ្ញុំចង់ឱ្យទាហានរបស់ខ្ញុំទាំងអស់ត្រឡប់ទៅផ្ទះវិញ
តើយើងកំពុងប្រយុទ្ធដើម្បីអ្វី? ជីវិតជារបស់យើងផ្ទាល់។
ចំពោះជនជាតិអ៊ុយក្រែន គេគិតថាយើងជាសត្រូវ
ប៉ុន្តែសម្រាប់យើង សត្រូវត្រូវបានបែងចែកជាពីរ៖ មួយគឺជនជាតិអ៊ុយក្រែន និងទីពីរគឺមេបញ្ជាការរបស់យើងផ្ទាល់»។
នៅចុងឆ្នាំ 2022
មុនពេលគាត់សម្រេចចិត្តរត់ចោលជួរ និងចាកចេញពីប្រទេសរុស្ស៊ីទៅកាន់ប្រទេសកាហ្សាក់ស្ថាន
លោក Korobov ត្រូវបានថ្នាក់លើរបស់គាត់នៅទីក្រុងមូស្គូបញ្ជាឱ្យបង្ហាញខ្លួននៅលើស្ថានីយ៍ទូរទស្សន៍រុស្ស៊ី
ដោយកម្មវិធីនេះបានបង្ហាញគាត់ថាជាវីរបុរសសង្គ្រាមដែលរងរបួសក្នុងសមរភូមិ។
«អនុសេនីយ៍ឯក យ៉េគេននី កូរ៉ូបូវ
Yevgeny Korobov រួមជាមួយនឹងកូនទាហានរបស់គាត់ នៅឈរជើងការពារកំលាំងទ័ពនៅខាងក្រោយខ្សែប្រយុទ្ធ» ពិធីករនៃកម្មវិធីជជែកពេលល្ងាចដ៏ពេញនិយមមួយនៅលើប៉ុស្តិ៍លេខ1 (Channel One) របស់រុស្ស៊ីបាននិយាយថា«ពួកគេត្រូវបានវាយឆ្មក់ ពួកគេបានប្រយុទ្ធជាមួយនឹងកងកម្លាំងសត្រូវដែលមានចំនួនច្រើនជាង
ហើយបានសម្លាប់ទាហានសត្រូវយ៉ាងហោចណាស់ 15 នាក់ និងបំផ្លាញឧបករណ៍សត្រូវ
ខណៈដែលភាគីរបស់គាត់មិនបានរងការខាតបង់ឡើយ»។លោក Korobov បាននិយាយថា រឿងដែលបានរាយការណ៍ជាលើកដំបូងដោយក្រសួងការពារជាតិរុស្ស៊ី
គឺជារឿងប្រឌិត។
លោកបានបញ្ជាក់ថា អង្គភាពរបស់លោកពិតជាត្រូវបានវាយឆ្មក់នៅដើមខែមីនា
ឆ្នាំ2022 នៅតំបន់ Chernyhiv ប៉ុន្តែភាពធ្ងន់ធ្ងរនៃហេតុការណ៍នេះត្រូវបានបំផ្លើសលើសការពិតយ៉ាងខ្លាំង។
"មែនហើយ យើងស្ថិតនៅក្នុងការវាយឆ្មក់
ប៉ុន្តែការនិយាយថាយើងត្រូវបាន 'ត្រៀមទុកមុនយ៉ាងល្អ' នោះគឺមិនសូវត្រឹមត្រូវទេ
ចំពោះថាតើសត្រូវមានចំនួនច្រើនជាងឬអត់ ខ្ញុំមិនដឹងថាមានមនុស្សប៉ុន្មាននាក់នៅទីនោះទេ
ហើយអ្នកណាជាអ្នកបាញ់នោះទេ" Korobov បាននិយាយ។
បន្ទាប់ពីលេចមុខក្នុងប្រព័ន្ធផ្សព្វផ្សាយ
លោកបានទទួលមេដាយសម្រាប់ភាពក្លាហាន ដែល Korobov បាននិយាយថាលោក "មិនចាប់អារម្មណ៏ទាល់តែសោះ"។
"សម្រាប់វីរភាពដោយការប្រឌិត? ចំពោះសង្គ្រាមដែលខ្ញុំមិនចង់ចូលរួម? ខ្ញុំមិនចង់បម្រើក្នុងជួរកងទ័ពទៀតទេ
ខ្ញុំគ្រាន់តែស៊ូទ្រាំរហូតដល់កិច្ចសន្យារបស់ខ្ញុំចប់"។
រឿងមួយដែល Korobov មិនប្រកែកគឺថាលោកបានរងរបួសនៅអ៊ុយក្រែន
ដែលក្នុងអំឡុងពេលសម្ភាសន៍តាមទូរទស្សន៍មើលទៅឃើញគាត់ដើរមិនប្រកតី
Korobov បានរងរបួសជង្គង់ពេលឈរជើងនៅ
Donetsk ក្នុងខែឧសភា ឆ្នាំ2022 បន្ទាប់មកលោកត្រូវបានជម្លៀសចេញ ហើយត្រឡប់ទៅប្រទេសរុស្ស៊ីវិញ។
នៅពេលនោះ មានបញ្ជាឱ្យវាយប្រហារភូមិ
Ozerne ជិត Liman ប៉ុន្តែ Korobov បានរៀបរាប់ថា "យើងបានចូលទៅជិតតែម្តងគត់ហើយយើងត្រូវបានវាយប្រហារដោយអ្វីៗគ្រប់យ៉ាងដែលពួកគេមាន
មានការវាយប្រហារជាបន្តបន្ទាប់ យើងមិនអាចចូលទៅជិតទៀតទេ"។
ថ្ងៃមួយ អង្គភាពរបស់គាត់បានបញ្ជាDrone យន្តហោះគ្មានមនុស្សបើកចុះចតដោយចៃដន្យនៅក្នុងទីតាំងអ៊ុយក្រែន។
Korobov បានរៀបរាប់ថា អង្គភាពរបស់គាត់ ដែលមានទាហានបួននាក់ ត្រូវបានបញ្ជូនទៅយកយន្តហោះគ្មានមនុស្សបើកមកវិញ
ហើយមេបញ្ជាការរបស់គាត់បានបញ្ជាត្រូវតែយកយន្តហោះគ្មានមនុស្សមកវិញអោយបាន ដែលគាត់បានពិពណ៌នាថាជាបេសកកម្មដែលមិនអាចទៅរួច។
យើងមិនអាចផ្ទៀងផ្ទាត់ការអះអាងរបស់លោក
Korobov ដោយឯករាជ្យបានទេ ទោះបីជាគាត់បានបង្ហាញរូបថតរបួសនៅលើជើងរបស់គាត់ក៏ដោយ។
លោក Korobov និងទាហានដែលនៅសេសសល់នៅក្នុងកងអនុសេនាធំរបស់គាត់ក្រោយមកត្រូវបានជម្លៀសចេញពីជួរមុខ។
គាត់បានចំណាយពេលប្រហែលមួយខែកន្លះនៅក្នុងមន្ទីរពេទ្យមុនពេលទទួលការស្តារនីតិសម្បទា។
លោក Korobov ចង់បញ្ចប់ការបម្រើយោធារបស់គាត់នៅក្នុងប្រទេសរុស្ស៊ីរហូតដល់ឆ្នាំ
2023 ដោយមិនត្រឡប់ទៅអ៊ុយក្រែនវិញ ប៉ុន្តែបន្ទាប់ពីការប្រកាសអំពីការប្រមូលទ័ពបន្ថែមនៅក្នុងខែកញ្ញា
ឆ្នាំ 2022 កិច្ចសន្យាទាំងមូលរបស់គាត់បានក្លាយជាមិនកំណត់ពេល ហើយនៅចុងឆ្នាំនោះ គាត់ត្រូវបានជូនដំណឹងថាគាត់នឹងត្រូវបញ្ជូនទៅអ៊ុយក្រែនវិញ។
លោក Korobov បានរៀបរាប់ថា មុនពេលចាកចេញពីប្រទេសរុស្ស៊ី
គាត់បានទាក់ទងគម្រោងហ្គោបាយ ឌឹ ហ្វរ៉េស Go By The Forest ដែលជួយអតីតទាហានរុស្ស៊ីដូចជាគាត់
ដែលភ័យខ្លាចត្រូវបញ្ជូនទៅប្រយុទ្ធនៅអ៊ុយក្រែនវិញ ហើយសកម្មជនមកពីគម្រោងនេះ បានរៀបចំផ្លូវរត់គេចខ្លួនសម្រាប់គាត់ទៅកាន់ប្រទេសកាហ្សាក់ស្ថាន
គាត់ក៏បានរៀបចំកាបូបរបស់គាត់ ហើយចាកចេញពីប្រទេសរុស្ស៊ី។ក្រោយមក លោក Korobov បានប្រឈមមុខនឹងការចោទប្រកាន់ពីបទរត់ចោលជួរ
ដែលជាបទឧក្រិដ្ឋដែលអាចផ្តន្ទាទោសជាប់ពន្ធនាគាររហូតដល់ 15 ឆ្នាំ ដោយសារតែបញ្ហានេះ គាត់កម្រចាកចេញពីផ្ទះដែលស្នាក់នៅក្នុងរយៈពេលពីរបីខែដំបូងដែលរស់នៅក្នុងទីក្រុងអាស្តាណា។
Korobov បាននិយាយថា "ប្រទេសកាហ្សាក់ស្ថានមិនដែលផ្តល់ឋានៈជាជនភៀសខ្លួនដល់ពលរដ្ឋរុស្ស៊ីសូម្បីតែម្នាក់ទេ
ហើយខ្ញុំគិតថាមិនអាចមានទេ"។
លោកបាននិយាយថា "យើងកំពុងរង់ចាំការសម្រេចចិត្តពីប្រទេសនៅអឺរ៉ុប
«មធ្យោបាយដ៏មានប្រសិទ្ធភាពមួយដើម្បីដោះស្រាយជម្លោះមិនត្រឹមតែតាមរយៈការដឹកជញ្ជូនអាវុធ
ឬទណ្ឌកម្មប៉ុណ្ណោះទេ ប៉ុន្តែថែមទាំងការផ្តល់ឱកាសឱ្យជនជាតិរុស្ស៊ីលះបង់អាវុធ និងបដិសេធមិនចូលរួមក្នុងការប្រយុទ្ធ»
គាត់និយាយថា ការផ្ទៀងផ្ទាត់រឿងរបស់
Korobov គឺជារឿងលំបាក និងចំណាយពេលច្រើន។
តាមទស្សនៈរបស់លោក ទាហានរត់ចោលជួររបស់រុស្ស៊ីបច្ចុប្បន្នកំពុងស្ថិតក្នុងគ្រោះថ្នាក់ជាងក្រុមប្រឆាំងសង្គ្រាម
ឬអ្នកប្រឆាំងនយោបាយដទៃទៀត ព្រោះអាជ្ញាធររុស្ស៊ីចាត់ទុកអតីតទាហានទាំងនេះថាជាជនក្បត់។
ស្ថានភាពនេះធ្វើឱ្យទាហានរត់ចោលជួររបស់រុស្ស៊ីនៅកាហ្សាក់ស្ថាន
និងអាមេនីងាយរងគ្រោះ ដោយសារប្រទេសទាំងពីរជាជម្រករបស់មូលដ្ឋានយោធារុស្ស៊ី។
លោក Alkastov បានពន្យល់ថា Korobov និងទាហានរត់ចោលជួរដទៃទៀតបច្ចុប្បន្នត្រូវបានការពារពីការនិរទេស
ពីព្រោះពួកគេមានឋានៈជាអ្នកស្វែងរកសិទ្ធិជ្រកកោន
ប៉ុន្តែឋានៈនេះមិនការពារពួកគេពីហានិភ័យនៃការលួចចាប់ខ្លួននោះឡើយ។
អត្ថបទ ៖ សេនាមមេឃ
ប្រភព ៖ BBC
