BBC បានរាយការណ៍នៅថ្ងៃទី 18 ខែតុលាថា បក្សកុម្មុយនិស្តចិន (CCP) បានបណ្តេញឧត្តមសេនីយ៍ជាន់ខ្ពស់
9 នាក់ ដែលភាគច្រើនជាឧត្តមសេនីយ៍ឯក និងជាសមាជិកនៃគណៈកម្មាធិការយោធាមជ្ឈិម
(CMC) ដែលជាស្ថាប័នគ្រប់គ្រងនៃស្ថាប័នយោធាកំពូលរបស់បក្សកុម្មុយនិស្តចិន។
សេចក្តីថ្លែងការណ៍បានបន្ថែមថា
“អ្នកទាំង9នាក់បានបំពានយ៉ាងធ្ងន់ធ្ងរលើវិន័យបក្ស ហើយត្រូវបានគេសង្ស័យថាបានប្រព្រឹត្តបទល្មើសធ្ងន់ធ្ងរនៅក្នុងជួរកាតព្វកិច្ចដែលពាក់ព័ន្ធនឹងការទទួលបានហិរញ្ញវត្ថុយ៉ាងច្រើន
ដែលបណ្តាលឱ្យមានគ្រោះថ្នាក់យ៉ាងធ្ងន់ធ្ងរ” ។ ជនសង្ស័យកំពុងប្រឈមមុខនឹងការកាត់ទោសយោធា
ហើយការដាក់ទណ្ឌកម្មរបស់ពួកគេគឺជាជោគជ័យដ៏សំខាន់នៅក្នុងយុទ្ធនាការប្រឆាំងអំពើពុករលួយរបស់បក្ស
និងយោធា។
ជនសង្ស័យទាំង9នាក់នោះមានលោក ហ៊ើ
វ៉េយតុង He Weidong អនុប្រធាន CMC លោក
មៀវ ហ័រ Miao Hua ប្រធាននាយកដ្ឋានកិច្ចការនយោបាយ លោក ហ៊ើ ហុងជុន He Hongjun អនុប្រធាននាយកដ្ឋានកិច្ចការនយោបាយ
លោក វ៉ាំង ស៊ីនពីន Wang Xiubin អនុប្រធាននាយកដ្ឋានប្រតិបត្តិការរួម
លោក លីន សៀនយ៉ាង Lin Xiangyang មេបញ្ជាការភូមិភាគបូព៌ា លោក ឈិន ស៊ូថាំង Qin Xutong មេបញ្ជាការនាយកដ្ឋានកិច្ចការនយោបាយកងទ័ពជើងគោក
លោក យាន ហ័រជឺ Yuan Huazhi មេបញ្ជាការនៃនាយកដ្ឋានកិច្ចការនយោបាយកងទ័ពជើងទឹក
លោក វ៉ាំង ហូពីន Wang Houbin មេបញ្ជាការកងកម្លាំងរ៉ុក្កែត និងលោក វ៉ាំង ឈុននីង Wang Chuning
មេបញ្ជាការកងកម្លាំងប៉ូលិសប្រដាប់អាវុធ។
លោក ហ៊ើ
វ៉េយតុង He Weidong ដែលជាមន្ត្រីជាន់ខ្ពស់បំផុតទី2នៅក្នុងយោធាចិន
បន្ទាប់ពីប្រធានាធិបតី Xi Jinping ដែលមានតួនាទីជាប្រធាន CMC ត្រូវបានគេឃើញចុងក្រោយនៅក្នុងខែមីនា
ហើយបានអវត្តជាសាធារណៈយ៉ាងយូររបស់គាត់ បានជំរុញឱ្យមានការរំពឹងទុកថាគាត់កំពុងស្ថិតនៅក្រោមការស៊ើបអង្កេត។
ក្រៅពីនេះ លោក ហ៊ើ វ៉េយតុង He Weidong ក៏ជាសមាជិកនៃគណៈកម្មាធិការអចិន្ត្រៃយ៍នៃការិយាល័យនយោបាយនៃគណៈកម្មាធិការមជ្ឈិមបក្សកុម្មុយនិស្តចិន ដែលធ្វើឲ្យគាត់ក្លាយជាសមាជិកការិយាល័យនយោបាយដំបូងគេដែលត្រូវបានស៊ើបអង្កេត។
ប្រភព
៖ BBC , khaosod
