ប្រទេសចិន ៖ (ថ្ងៃទី 11 ខែកញ្ញា ឆ្នាំ 2025) ភូមិលីវប៉ Liubo សង្កាត់លួ Luo ក្រុង ស៊ីនហ៊ុយ Xinhui ខេត្តក្វាងទុង Guangdong ប្រទេសចិន ដែលជាស្រុកកំណើតដូនតារបស់នាយករដ្ឋមន្ត្រីថៃបច្ចុប្បន្ន
លោកអនុធីន ឆានវីរៈគុន Anutin
Charnvirakul បានប្រារព្ធពិធីយ៉ាងគគ្រឹកគគ្រេង
បន្ទាប់ពីទទួលបានដំណឹងនៃការទទួលតំណែងរបស់លោកអនុធីន ។ អ្នកភូមិបានព្យួររូបថត Anutin នៅលើជញ្ជាំង និងធ្វើពិធីប្រពៃណីចិន
រួមទាំងការសំលាប់ជ្រូកសម្រាប់ទទួលភ្ញៀវ និងការបាញ់កាំជ្រួច ដែលបន្លឺឡើងពេញភូមិ។
ហើយក៏មានក្រុមគ្រួសារជាច្រើនត្រឡប់មកភូមិវិញដើម្បីចូលរួមក្នុងពិធីជាប្រវត្តិសាស្ត្រ
បរិយាកាសពោរពេញទៅដោយស្នាមញញឹម និងមោទនភាព។ អ្នកភូមិជាច្រើនបានសម្តែងមោទនភាពដែលកូនចៅរបស់ពួកគេបានក្លាយជានាយករដ្ឋមន្ត្រីថៃដោយជោគជ័យ។
អ្នកភូមិក៏បានរំឮកដល់ព្រឹត្តិការណ៍ឆ្នាំ
1988 ដែលឪពុករបស់ Anutin បានត្រឡប់មកភូមិវិញ ហើយបានជួយសាងសង់ផ្លូវសម្រាប់សហគមន៍
ដែលជាការចងចាំដែលនៅតែស្រលាញ់រហូតមកដល់សព្វថ្ងៃនេះ។ ពួកគេសង្ឃឹមថាលោក Anutin នឹងមានឱកាសបានត្រឡប់ទៅស្រុកកំណើតដូនតារបស់ខ្លួនម្ដងទៀតនាពេលអនាគត។
រដ្ឋាភិបាលចិនបានអបអរសាទរលោក
Anutin
ក្នុងការបោះឆ្នោតជ្រើសរើសលោកជានាយករដ្ឋមន្ត្រីថៃ
ដោយសង្កត់ធ្ងន់ថា ចិន និងថៃជាអ្នកជិតខាងជិតស្និទ្ធដែលប្រៀបដូចជាគ្រួសារ។
ឆ្នាំនេះក៏ជាខួបលើកទី 50 នៃការបង្កើតទំនាក់ទំនងការទូតរវាងប្រទេសទាំងពីរផងដែរ
ប្រទេសចិនបានត្រៀមខ្លួនរួចជាស្រេចក្នុងការធ្វើការជាមួយប្រទេសថៃដើម្បីបន្តទំនាក់ទំនងមិត្តភាពជាប្រពៃណី
ពង្រឹងទំនាក់ទំនងជាយុទ្ធសាស្ត្រ ពង្រីកកិច្ចសហប្រតិបត្តិការជាក់ស្តែង និងលើកកម្ពស់សន្តិភាព
ស្ថិរភាព ការអភិវឌ្ឍន៍ និងវិបុលភាពក្នុងតំបន់។
#សេនាមេឃ
ប្រភព៖ https://www.facebook.com/share/p/1CnmpuwkAD/
